ORIN DAFIDI 15

Ìwà tí Ọlọrun Fẹ́

1 OLUWA, ta ni ó lè máa gbé inú àgọ́ rẹ?

Ta ni ó lè máa gbé orí òkè mímọ́ rẹ?

2 Ẹni tí ń rìn déédéé, tí ń ṣe òdodo;

tí sì ń fi tọkàntọkàn sọ òtítọ́.

3 Ẹni tí kò fi ahọ́n rẹ̀ sọ̀rọ̀ eniyan lẹ́yìn,

tí kò ṣe ibi sí ẹnìkejì rẹ̀,

tí kò sì sọ ọ̀rọ̀ ẹ̀gàn nípa aládùúgbò rẹ̀.

4 Ẹni tí kò ka ẹni ẹ̀kọ̀ sí,

ṣugbọn a máa bu ọlá fún àwọn tí ó bẹ̀rù OLUWA;

bí ó bá jẹ́ ẹ̀jẹ́, kì í yẹ̀ ẹ́;

bí ẹ̀jẹ́ tí ó ti wù kí ó nira tó.

5 Kì í yáni lówó kí ó gba èlé,

kìí sìí gba àbẹ̀tẹ́lẹ̀ lọ́wọ́ aláìṣẹ̀.

Ẹni tí ó bá ṣe nǹkan wọnyi,

ẹsẹ̀ rẹ̀ kò ní yẹ̀ laelae.